होटल हायात अनिश्तिकालका लागि बन्द !!

काठमाडौं। होटल हायत अनिस्चितकालको लागि बन्द भएको छ। मजदुर आन्दोलनको कारण देखाउँदै होटल हायत व्यवस्थापना समुहले अनिश्चितकालका लागि होटल बन्द गरेको हो।सोमबार नेपाल स्टक एक्सचेन्ज नेप्सलाई पत्र लेख्दै हयातले बन्द भएको जानकारी गराएको हो।होटलमा नै कार्यरत रहेका मजदुरको संगठन अखिल नेपाल होटल क्यासिनो तथा रेस्टुराँ मजदुर संघको हडतालका कारण होटल बन्द गर्न बाध्य भएको नेप्सेलाई लेखेको पत्रमा उल्लेख छ।तलव वृद्धि, न्यूनतम पारिश्रमिक, सामा जिक सुरक्षा कोष कार्यान्वयन, विदालगायतका सुविधा र भारतीय उच्च तहका कर्मचारीको ज्यादती अन्त्य हुनुपर्ने कर्मचारीको माग छ ।

आन्दोलनरत कर्मचारीले खासै ठूला माग राखेका छैन ।कानूनले दिएको अधिकार पाउनु पर्ने र यसअघि भएका सहमति कार्यान्वयन हुनुपर्ने उनीहरुको माग छ।आन्दोलनको पाँच दिन बित्दा पनि होटल व्यवस्थापन गम्भीर नभएको भन्दै कर्मचारीले उ समस्या लम्ब्याउ ने र आन्दोलनलाई नै बहाना बनाएर अर्कै उद्देश्यतर्फ लागेको त छैन ? भन्ने कर्मचारीको शंका छ । कर्मचारीले आन्दोलन थालेपछि होटलको सेवा ठप्प छ सबै बुकिङ रद्द गरेको होटलले आफ्ना पाहुना दरबारमार्गस्थित याक एन्ड यतिमा सारेको छ ।आन्दोलनरत समूह माग पूरा नभएसम्म पछाडि नहट्ने अडानमा छ ।

वार्तामा बसेपनि होटल व्यवस्थापन माग पूरा गर्ने गरी लचिलोरुपमा प्रस्तुत नभएको कर्मचारीको भनाइ छ ।सरकारी जग्गा र शेयरमा जालझेल गरेको आरोप खेपिरहेको र त्यसबारे अनुसन्धान भइरहेको होटलको निजी साझेदार कर्मचारी आन्दोलनको बहानामा लागेका आरोप र जारी अनुसन्धानबाट भाग्न खोजेको त होइन भन्ने प्रश्न आन्दोलनरत पक्षले नै उठाउन थालेका छन्।कर्मचारी आन्दोलित भएको हायात त्यही होटल हो जसले सरकारी जग्गा हडपेको आरोप खेपिरहेको छ । नेपाल सरकारअन्तर्गतको तारागाउँ विकास समितिले २०४९ सालमा १ सय ५० रोपनी जग्गा हायात होटल बनाउन दिएको थियो ।

त्योसँगै वर्षमा ३० लाख रुपैयाँ सरकारले पाउने गरी १४८ रोपनी जग्गा भाडामा दिइएको थियो ।प्रतिरोपनी १० लाखका हिसाबले जग्गाको १५ करोड र अन्य भौतिक संरचनाको थप २ करोड गरी कुल १७ करोड रुपैयाँ सरकारको लगानी मानिएको थियो । हायात होटलले भोगचलन गर्दै आएको सरकारी जग्गाको मूल्य प्रतिआना ५० लाख रुपैयाँमात्र हिसाब गर्दा पनि त्यसको बजार भाउ अहिले १२ अर्ब रुपैयाँभन्दा बढी हुन्छ । तर, सरकारले पाउने सेयरको बजार मूल्य भने १७ करोड रुपैयाँ मात्रै छ ।व्यवस्थापन सम्हालेको निजी साझेदारले स्थापनाकालदेखि अहिलेसम्म होटलमा नाफा देखाएको छैन ।

सरकारले यसबाट एक पैसा पनि प्रतिफल पाएको छैन । सर्वसाधारण लगानीकर्ताले पनि केही पाएका छैनन् । सरकारी जग्गा र शेयर हिनामिनाबारे अख्तियार दुरुपयोग अनुसन्धान आयोगले छानविन तीब्र बनाएपछि निजी क्षेत्रका सञ्चालक राधेश्याम सर्राफ कर्मचारी आन्दोलनलाई निहुँ बनाएर होटल बन्द गरेर नेपाल छोड्ने तयारीमा त छैनन् ? आन्दोलनलाई मौकामा चौका हान्ने ‘अस्त्र’ बनाउन खोजिएको त होइन ? जस्ता प्रश्न आन्दोलनरत कर्मचारीले नै उठाएका छन् । र, यस्ता प्रश्नमा सरकार बेलैमा गम्भीर हुन जरुरी छ ।

Loading...
प्रकाशित मिति २ असार २०७६, सोमबार १७:३२