बालुवाटारको सरकारी जग्गा हिनामिनामा देउवा देखिए मुख्य दोषी

काठमाडौं-:  सरकारबिरुद्ध खनिने कुनै उपाय नपाएपछि अहिले पनि संसददेखि सडकसम्म बालुवाटारस्थित ललिता निवासको जग्गा के भयो भन्दै कांग्रेस नेताहरु प्रश्न गरिरहेको भेटिन्छ । प्रधानमन्त्री केपी शर्मा ओली नेतृत्वको सरकारले २६ बर्षदेखि भूमाफियाले आफ्नो नाममा बनाएको बालुवाटारको जग्गा खोजी गरी रोक्का गरेपछि एकपछि अर्काे रहष्य बाहिर आउने क्रम जारी नै रहेको छ ।

अहिले मन्त्रिपरिषदको निर्णय, भूमी ब्यवस्था तथा सहकारी मन्त्रालयको निर्णयपछि डिल्लीबजार मालपोत कार्यालयले बालुवाटारको चार सय १७ कित्ता जग्गा रोक्का गरेको छ । त्यसमध्ये अवैध रुपमा व्यक्तिको नाममा लगिएको जग्गा तीन सय ३४ कित्ता रहेको छ । मालपोतले सरकारको नाममा रहेको ८३ कित्ता पनि रोक्का गरेको छ । व्यक्तिको नाममा लगिएको तीन सय ३४ कित्ता जग्गाको जम्मा क्षेत्रफल ९९ रोपनी रहेको छ ।

बालुवाटारमा व्यक्तिको नाममा लगिएका अन्य जग्गाको खोजी भइरहेको पनि मालपोत कार्यालयले जनाएको छ । अहिले पनि ब्यक्तिको नाममा पारिएको सार्वजनिक जग्गा खोजी गर्ने क्रम जारी रहेको छ । तथ्यको कसीमा हेर्दा बालुवाटार जग्गा प्रकरणमा प्रमुख प्रतिपक्षी दलका नेता रहनुभएका कांग्रेस सभापति शेरबहादुर देउवा सवैभन्दा बढी दोषी देखिनुभएको छ । तात्कालिन गृहमन्त्रीका रुपमा उहाँले निर्वाह गरेको भूमिका नै बालुवाटारको सरकारी जग्गा हडप्ने प्रमुख अश्त्र बनेको छ ।

Loading...
प्रकाशित मिति २ असार २०७६, सोमबार १२:४८