माइती भेट्न हिनेका महिलाहरु स्कुटर दुर्घटनामा परी मृत्यु

तनहुँ । बेलौरी नगरपालिका–१० मा शुक्रबार साँझ स्कुटर दुर्घटनामा परी दुई भारतीय महिलाको मृत्यु भएको छ ।

बेलौरीको शिवनगरमा रहेका माइती भेट्न आएका भारतको उत्तरप्रदेशको पिलिभित जिल्ला ग्राम कम्पोजनरका २५ वर्षीया मनिषा हमाल र २३ वर्षीया पलविन्दर चौधरीको युपि २६ एए ६५३८ नं को स्कुटर कल्भर्टमा ठोक्किँदा मृत्यु भएको प्रहरीचौकी भुडाका प्रहरी सहायक निरीक्षक डम्बरसिंह कार्कीले बताउनुभयो ।

दुवै जना माइतीलाई भेट्न आउने क्रममा स्कुटी असुन्तुलन भई कल्भर्टमा ठोक्किँदा गम्भीर घाइते भएपछि तत्कालै एम्बुलेन्समार्फत अस्पताल लैजाने क्रममा बाटोमै मृत्यु भएको उहाँले बताउनुभयो । मृतक दुवै जनाको शव आज परिवारको जिम्मा लगाइएको छ ।

Loading...
प्रकाशित मिति २१ असार २०७६, शनिबार ०९:१६